E publikoi ditë më parë pak sekonda në TikTOk për të testuar audiencën dhe aty u kuptua që bëhet fjalë për një projekt që do të ecë.
Bëhet fjalë për këngën më të re të Blerandos, finalistit të BBVK2.
Ai dje e lansoi në platformat digjitale të plotë këngën ‘Loti yt’.
E rreth 24 orë nga publikimi, duket se kënga po pëlqehet me të madhe.
Projekti numëron rreth 400,000 shikime në Youtube duke shënuar një nisje të mbarë të vitit për artistin.
Kujtojmë se pas daljes nga Big Brother VIP Kosova, Blerando publikoi disa projekte të cilat patën sukses të madh si ‘Rrakata’, ‘Katile’ e ‘Rio&Tokyo’.
Viti vetëm sa ka nisur dhe neve do na duhet të presim për më shumë nga ato që Blerando ka projektuar për këtë vit sa i përket karrierës së tij. /Prive
