Yll Limani, një nga artistët më të dashur të skenës shqiptare, ka publikuar para dy ditësh albumin e titulluar “Thirrem sot ose nesër”.
Ky album vjen si një përmbledhje e pasur me emocione dhe melodi unike, duke konfirmuar edhe një herë aftësinë e tij për të prekur zemrat e publikut me vargje të ndjera dhe performanca vokale të shkëlqyera.
Nga të gjitha këngët e reja që u lansuan në kanalin YouTube, ajo që ka rrëmbyer vëmendjen e menjëhershme të dëgjuesve është kënga “Kthem”.
Shifrat tregojnë se kjo është kënga më e pëlqyer e momentit, duke arritur mbi 400 mijë klikime në vetëm dy ditët e para. Një arsye e fortë për këtë sukses është domethënia e saj; “Kthem” u dedikohet mërgimtarëve, duke përcjellë mallin dhe ndjenjat e të gjithë atyre që jetojnë larg vendlindjes.
Pas suksesit të “Kthem”, një tjetër hit që po bën xhiron e rrjetit është kënga “Ditë e Natë”. Me afro 380 mijë klikime, kjo këngë renditet e dyta më e kërkuar nga fansat, duke treguar një pëlqyeshmëri të lartë për ritmin dhe stilin që Ylli ka sjellë në këtë projekt.
Albumi “Thirrem sot ose nesër” përmban gjithashtu tituj të tjerë si “Mjegulla”, “Taxi”, “Ajr” dhe “Po nisna sonte”, të cilat po ashtu po priten mjaft mirë, duke e bërë këtë fundvit të jetë plotësisht nën shenjën e muzikës së Yll Limanit. /Prive By Liberta Spahiu
