Ish-fituesja e Miss Universe Kosova 2013, Mirjeta Shala, ka bërë publike votën e saj për zgjedhjet e parakohshme parlamentare që do të mbahen më 28 dhjetor 2025.
Prej vitesh ajo jeton në Shtetet e Bashkuara të Amerikës, por kjo nuk e ka penguar që të jetë pjesë e procesit zgjedhor përmes postës. Në fotografinë e shpërndarë me ndjekësit e saj në rrjetet sociale, shihet qartë fletëvotimi ku ajo ka zgjedhur Lëvizjen Vetëvendosje, përkatësisht numrin 116.
Përbri fotos, ajo ka shkruar fjalën “Gjithmonë”, duke konfirmuar se mbështetja e saj për këtë subjekt politik mbetet e palëkundur ndër vite. Edhe pse ka kaluar më shumë se një dekadë që nga koha kur u shpall më e bukura e Kosovës në vitin 2013, Mirjeta vazhdon të mbetet mjaft e komentuar në media, këtë herë për përfshirjen dhe qëndrimet e saj politike.
Ky veprim ka ngjallur interesim të menjëhershëm, duke qenë se rrallëherë emrat e njohur të botës së modës zgjedhin të publikojnë votën e tyre kaq hapur përpara publikut.
Si pjesëtare e diasporës, ajo i është bashkuar mijëra bashkatdhetarëve që tashmë kanë nisur dërgimin e fletëvotimeve për procesin e fundvitit. /Prive By Liberta Spahiu
