Çiklisti i njohur nga Kosova, Cekki Hoti, ka njoftuar ndjekësit e tij se ka nisur zyrtarisht fazën e radhës të udhëtimit të tij epik.
Përmes një videoje të ndarë në Instagram, Hoti konfirmoi se është nisur nga Gjakova me destinacion të largët, Indonezinë.
Në videon e tij, Cekki u shfaq entuziast duke treguar se po përdor të njëjtën biçikletë që e shoqëroi në udhëtimin e kaluar, por me disa përmirësime teknike.
“Është dita ime e parë në vazhdimin e udhëtimit tim. Jam në Gjakovë. Kjo është e njëjta biçikletë, por me disa ndryshime: çanta të reja dhe një tendë e re,” u shpreh ai në videon e publikuar.
Emri i Cekki Hotit u bë i njohur ndërkombëtarisht si “heroi i të dashuruarve”. Ai u bë simbol i sakrificës dhe përkushtimit pasi pedaloi rreth 23,000 kilometra nga Kosova drejt Bau Bau, Indonezi, për t’u bashkuar me partneren e tij.
Ky rrugëtim i ri po pritet me interes të madh nga mijëra ndjekës që e kanë përcjellë me admirim historinë e tij unike. Mbetet të shihet se cilat do të jenë sfidat e radhës që çiklisti gjakovar do të tejkalojë në këtë aventurë të re mbi dy rrota. /Prive By Liberta Spahiu
View this post on Instagram
