Këngëtari i njohur, Labinot Tahiri (Labi), ka ndezur sërish rrjetet sociale me një video të fundit të shpërndarë në Instagram Story.
Ndërsa ndodhet në Dortmund të Gjermanisë, për disa ditë, Labi ka përdorur humorin dhe ironinë e tij të njohur për të komentuar situatën aktuale në Kosovë, veçanërisht në kontekstin e afërt të zgjedhjeve.
Pasi shprehu fillimisht mallin e tij për vendlindjen, duke përmendur Ferizajin, Labi kaloi te thelbi i mesazhit të tij: një kritikë e mprehtë, por e veshur me ironi, drejtuar qytetarëve për pjesëmarrjen e tyre në procesin zgjedhor dhe ndaj mënyrës se si shërbimet thelbësore, si uji dhe energjia elektrike, politizohen.
Lidhur me problemin kronik të energjisë elektrike, Labinot Tahiri ironizoi me zë të lartë:
“A po e keni nxehtë? Mos u ankonni se me rrymë nuk ju jep kush llogari, nuk ju bëhet vonë! Tash dilni në zgjedhje, votoni. Ç’a ditë kur janë zgjedhjet, ju lëshojnë rrymën. Ama apet kan me ja u nal.”
Ironia e tij nuk u ndal vetëm te rryma, por preku edhe çështjen e mungesës së ujit dhe protestave të organizuara për vota:
“Ka qenë me bllokim të pompave që nuk keni qysh e me ujë përdrejti në banesa, haj! Sa duhet me ndejt pa u la, nuk ka dert. Me rëndësi me dalë me bërtitë me tupanë për vota.”
Kjo video funksionoi si një koment i drejtpërdrejtë mbi premtimet boshe dhe ndezjen e situatës politike vetëm gjatë periudhave zgjedhore, duke vënë në pah problemet themelore si mungesa e rrymës dhe ujit, të cilat Labi thekson se harrohen shpejt pas votimit.
Në fund të mesazhit, Labi e përmbylli videon duke u distancuar nga këto probleme, duke theksuar se jeta e tij në Gjermani po ecën mirë:
“Po i këqyri punët e mia vallahi, këtu jam në Gjermani. Punë të mirë! Faleminderit Zotit. Respekt për krejt.”
Kështu, Labinot Tahiri solli edhe një herë në qendër të vëmendjes një shqetësim popullor, duke i bërë thirrje qytetarëve të reflektojnë mbi mënyrën se si trajtohen nga politika, duke e bërë këtë me dozën e tij të njohur të humorit. /Prive By Liberta Spahiu
