Fansat e aktorit turk, Kerem Bürsin, janë shfaqur të shqetësuar pas thashethemeve që po qarkullojnë në rrjetet sociale, sipas të cilave seriali i tij më i fundit, “Çarpıntı Dizisi” (Dizisi – Seriali), do të përfundojë shumë shpejt.
Në internet janë shfaqur postime që pretendojnë se seriali turk dramatik-romancë, “Çarpıntı”, do të ndalet pas vetëm dy episodeve të tjera.
Seriali “Çarpıntı” filloi transmetimin më 7 shtator 2025 dhe një episod i ri shfaqet çdo të diel në kanalin turk “Star TV”.
Por, a është e vërtetë që seriali i Kerem Bürsin do të përfundojë kaq shpejt?
View this post on Instagram
Të vërteta dhe thashetheme
Nuk ka asnjë burim zyrtar që të konfirmojë apo mohojë thashethemet e përhapura në mediat sociale. Megjithatë, sipas gazetares turke Birsen, seriali “Çarpıntı” do të vazhdojë dhe deri më tani, nuk është marrë asnjë vendim për ndërprerjen e tij. Ky informacion pritet të qetësojë disi komunitetin e gjerë të fansave të Bürsin.
Për çfarë flet seriali “Çarpıntı”?
Seriali “Çarpıntı” rrëfen historinë e Asli-s, e luajtur nga aktorja Lizge Cömert, e cila i nënshtrohet një transplantimi të zemrës nga një vajzë e quajtur Melike Alkan, pas vdekjes së saj të papritur.
Pas ndërhyrjes, Asli tërhiqet në një botë zie, pushteti dhe dashurie të ndaluar me Aras Alkan, i luajtur nga Kerem Bürsin.
Personazhet përjetojnë ndryshime të mëdha dhe kthesa tronditëse pas operacionit të zemrës, ndërsa Aras dhe Asli punojnë së bashku për të zbuluar nëse vdekja e Melike-s ishte thjesht një aksident apo një vrasje. /Prive By Liberta Spahiu
View this post on Instagram
