Savannah Miller, një yll i reality show-t që u shfaq në sezonin 7 të “The Circle” në Netflix, ka rrëfyer tmerrin që përjetoi pasi nuk e kuptoi që kishte lënë një tampon brenda për javë të tëra.
24-vjeçarja tregoi se ishte një përvojë “traumatike”, por theksoi se ishte me fat që nuk vdiq nga një infeksion vdekjeprurës i shkaktuar nga bakteret.
Në atë kohë, ajo ishte 22 vjeç dhe studente në universitet, kur në fund të ciklit menstrual doli në një bar me disa miq.
Megjithatë, pasi ndodhej në një fazë të ndërmjetme – me gjakderdhje të mjaftueshme sa për të mos mundur të përdorte vetëm të brendshme, por jo aq pak sa për të mos përdorur një produkt higjienik – vendosi të përdorte një tampon.
Por, në mënyrë tronditëse, të nesërmen ai zhduket.
“Harrova që e kisha vendosur, dhe meqenëse nuk kishte më gjak dhe filli ishte zhdukur, nuk e pashë,” i tha ajo “The Post”.
Disa ditë më vonë, ajo filloi të ndjente një ndjesi të sëmurë, kruarje dhe një erë të keqe poshtë, dhe vendosi të përdorte tamponë të rinj çdo herë, duke menduar se ishte një “erë e vjetër e ciklit”.
“Aroma ishte sikur një mi kishte hyrë brenda meje gjatë gjumit dhe kishte ngordhur,” tha ajo.
Për këtë arsye, vendosi të kontrollohej dhe vizitoi disa herë klinikën e universitetit, por analizat për sëmundje seksualisht të transmetueshme dhe ekzaminimet e brendshme nuk dhanë përgjigje.
“Doktorët menduan se ishte vetëm vaginoza bakteriale (BV), por unë e dija që nuk ka mundësi që njerëzit ecin përreth me BV dhe të kenë atë aromë,” tha ajo.
Vetëm në takimin e saj të tretë mjekësor, u shtrua pyetja nëse ndoshta një tampon mund të kishte ngecur në kanalin vaginal.
Kur u gjetën grimca pambuku në një mostër të urinës, doktori dyshoi në këtë mundësi.
“Unë mendova që jo, por gjithsesi thashë: ndoshta?!” tregoi ajo. “Por isha e dëshpëruar që të largoja atë erë.”
Më vonë, u gjet objekti që po shkaktonte problemin – një tampon – i cili ishte “aq lart në qafën e mitrës, sa nuk kishte asnjë shans ta shihja”.
“Mjekut iu desh ta nxirrte nga afër vezoreve,” tha ajo.
Për fat të mirë, ajo shpëtoi pa zhvilluar sindromën e shokut toksik (Toxic Shock Syndrome – TSS) dhe u vendos nën antibiotikë për çdo rast, nëse ishte pa simptoma.
Sindroma e shokut toksik ndodh kur bakteret prodhojnë toksina që hyjnë në rrjedhën e gjakut, duke shkaktuar mbylljen e funksionit të organeve dhe madje edhe vdekjen nëse nuk trajtohet shpejt./Prive By Liberta Spahiu
