Ish-banorja e këtij edicioni të “Big Brother VIP Kosova”, Jasmina Kadriu, duket se po jeton ditët e saj më të lumtura në aspektin romantik.
Përmes disa postimeve të fundit në Instagram, bukuroshja ka bërë të ditur se po feston një përvjetor shumë të rëndësishëm: 1-vjetorin e lidhjes së saj të dashurisë.
Një dhuratë “përrallore” në garazh
Jasmina ka ndarë me ndjekësit e saj pamje nga surpriza që partneri i ka përgatitur për këtë datë speciale. Në qendër të vëmendjes ishte një makinë luksoze e tipit Range Rover, e mbuluar me një fjuban të madh të kuq. Ambienti ishte dekoruar deri në detaje me petale rozë dhe blu, ndërsa në plan të parë qëndronte një buqetë gjigante me trëndafila blu dhe të bardhë, ku ishin shënuar datat domethënëse: 18.02.2025 – 18.02.2026.
Mesazhi emocionues që zbulon planet për të ardhmen
Përveç dhuratave luksoze, vëmendjen e mori edhe një kartolinë e shkruar me dorë, e cila mbarte një mesazh mjaft romantik. “Një vit me ty? Pak fare… dua gjithë jetën,” shkruhej në shënimin që Jasmina e ndau, duke treguar se kjo marrëdhënie është serioze dhe se çifti ka plane afatgjata me njëri-tjetrin.
Kush është “misteriozi” që i rrëmbeu zemrën?
Megjithëse nuk ngurroi të zbulojë surprizën, Jasmina ka zgjedhur të jetë mjaft e rezervuar sa i përket identitetit të tij. Ajo nuk e ka zbuluar portretin apo emrin e personit që ka në krah, duke e mbajtur këtë pjesë të jetës private larg syrit të kureshtarëve, edhe pse postimet e sotme konfirmojnë se ai po bën gjithçka për ta bërë atë të ndihet si një mbretëreshë. /Prive By Liberta Spahiu
