Influencerja e njohur Drita Stublla ka ndarë me ndjekësit e saj një moment të ëmbël e plot romancë, teksa ka festuar 1-vjetorin e lidhjes me futbollistin e Kombëtares së Kosovës dhe Napolit, Amir Rrahmani.
Në një postim të bërë në Instagram, Drita u shfaq duke mbajtur një buqetë gjigante me trëndafila shumëngjyrësh – të bardhë, të kuq dhe rozë – të mbështjellë me kujdes në letër rozë, e shoqëruar me shiritin ku shkruhej: “HAPPY 1 YEAR AMORE”. Në një tjetër imazh, ajo shtoi edhe një dedikim të thjeshtë por plot dashuri: “I love you baby”.
Me mbishkrimin “1st anniversary today”, influencerja tregoi se ky ishte një moment i veçantë për të dhe partnerin e saj, duke e shoqëruar me një selfie nga ashensori ku pozon me dhuratën madhështore në duar.
Ky gjest romantik nga kapiteni i përfaqësueses së Kosovës ka bërë që ndjekësit të shpërthejnë me urime dhe komplimente për çiftin, i cili prej një viti është kthyer në një nga lidhjet më të komentuarat në rrjetet sociale.
Të rralla kanë qenë postimet që Drita dhe Amiri kanë treguar detaje nga romanca e tyre, por ky përvjetor duket se ka qenë një ndër momentet më të veçanta, duke konfirmuar edhe njëherë lidhjen e fortë mes tyre. /Prive By Liberta Spahiu
