Reperi i njohur nga Drenica, Don Xhoni, ka prekur zemrat e ndjekësve me një gjest të veçantë: ai realizoi dëshirën e një zonje të moshuar duke e shëtitur me veturën e tij luksoze, një Lamborghini.
Videoja e këtij momenti u bë virale në rrjetet sociale, ku shumë njerëz menduan fillimisht se zonja ishte gjyshja e tij.
Megjithatë, më vonë u sqarua se ajo ishte thjesht një grua që kishte shprehur dëshirën për të bërë një xhiro me makinën e reperit, dhe Don Xhoni vendosi t’ia plotësonte këtë dëshirë .
Për të festuar Kurban Bajramin, Don Xhoni publikoi një video tjetër ku shfaqet me gjyshen dhe gjyshin e tij të vërtetë, duke u uruar ndjekësve festën.
Sa i përket makinës, Don Xhoni është i njohur për pasionin e tij ndaj automjeteve luksoze. Ai ka shtuar në koleksionin e tij një Lamborghini dhe një Porsche, duke i prezantuar ato në rrjetet sociale si pjesë e stilit të tij të jetesës .
