Cili është parfumi që ka nisur të diskutohet gjerësisht në botën e aromave? Një lansim i konsideruar si ndër më të guximshmit e vitit, që mban emrin Tales of Amber, kreacioni më i ri nga Goldfield & Banks.
Goldfield & Banks është shtëpia e parë e luksit të parfumeve australiane, e cila merr frymëzim nga natyra e egër e kontinentit dhe e shndërron në udhëtime përmes nuhatjes. Nga ajri i kripur i brigjeve, tek qetësia e përvëluar e shkretëtirave, çdo aromë është një interpretim i vendit, kujtesës dhe mjeshtërisë.
Tales of Amber sjell një interpretim modern të ambergris-it, një prej notave më të rralla dhe më misterioze në botën e parfumeve. Aroma hapet me gjelbërimin mineral të myshkut dhe delikatesën e lules së portokallit. Në zemër shpaloset pudra e rrënjës së irisit, e shoqëruar me kanellë nga Madagaskari dhe një nuancë myshku. Baza është e thellë e e pasur, me labdanum, dru ud australian, vanilje të tymosur dhe ambergris të çmuar nga Zelanda e Re.
Të apasionuarit e përshkruajnë si një udhëtim në zemrën elementare të Australisë, ndërsa të tjerë e quajnë një luks të pazbuluar, natyrshëm të rrallë.
Opulent. Abyssal. Alive.
Tales of Amber, është më shumë se një parfum. Është një histori e gdhendur nga koha dhe natyra, një aromë që mbetet mbi lëkurë si dielli mbi gurë. Zbuloje, përjetoje dhe lëre të të shndërrojë.
