Getoar Selimi, i njohur për publikun si Ghetto Geasy, ka lansuar albumin e shumëpritur “5 Kurora” me plot 15 këngë, të publikuara tashmë në platformën YouTube.
Ky album vjen si një kombinim i fuqishëm mes risive artistike dhe nostalgjisë, duke shënuar një ndër ribashkimet më të shumëpritura në skenën shqiptare të hip-hopit: Babastars janë bashkë sërish – pa Agon Amigën.
Albumi përmban bashkëpunime të shumta me artistë të njohur si Ledri Vula, Mozzik, Tuna, Arilena Ara, Lumi B, MC Kresha, Melinda, Majk dhe të tjerë.
Megjithatë, vëmendjen e merr kënga “Niveli Baba”, e cila i bashkon në një projekt të përbashkët Ledrin, Skivin, Onatin dhe Cozmanin – ish-anëtarët e grupit legjendar Skillz, duke sjellë emocione të veçanta për publikun që i ka ndjekur prej fillimeve.
Këngët nga albumi janë publikuar në kanalin zyrtar në Youtube të “Babastars”. /Prive By Liberta Spahiu
