Prezantuesja dhe aktorja shqiptare, Megi Pojani, ka shkaktuar bujë në rrjetet sociale pas publikimit të një video, ku shfaqet me një pamje krejtësisht tjetër.
E njohur shpesh me flokë të gjatë, Megi ka befasuar ndjekësit duke adoptuar trendin viral të flokëve të shkurtër (stili “pixie cut”), një model që u popullarizua në masë nga figura ndërkombëtare si Kris Jenner dhe, së fundmi, edhe Kim Kardashian.
Ky transformim i shpejtë dhe i thellë e ka bërë prezantuesen thuajse të panjohur për disa nga ndjekësit e saj më besnikë.
Në videon e postuar në llogarinë e saj, ku Megi shfaqet e veshur me një golf të zi të ngushtë, fund lëkure dhe doreza boksi, theksohet fort stili i saj i ri, duke e shfaqur me një imazh më të ‘ashpër’ dhe modern.
View this post on Instagram
Ajo që habiti më shumë ndjekësit ishte ngjashmëria e pashmangshme që u vu re midis Megit dhe yllit botëror, Kim Kardashian.
Shumë prej tyre komentuan se, me këtë model flokësh dhe stil veshjeje, Megi i ngjante shumë Kim Kardashian, duke e konsideruar këtë pamje si një prej transformimeve më të bukura që prezantuesja ka bërë ndonjëherë.
Me këtë ndryshim drastik në stil, Megi Pojani ka konfirmuar edhe një herë se ajo nuk ka frikë të eksperimentojë. /Prive By Liberta Spahiu
