Aktori i njohur, Osman Azemi, ka ndarë së fundmi një foto nga spitali në Turqi, ku po vazhdon trajtimet mjekësore pas aksidentit të rëndë që pësoi muaj më parë.
Azemi ka postuar në Instagram një selfie duke buzëqeshur, i shtrirë në shtratin e spitalit me një këmishë pacienti. Ajo që bie në sy është mbishkrimi i tij humoristik, duke treguar se nuk i është shuar humori as në këto momente:
“Kur t’thot doktori pshtove edhe ti e han foren…”
Kjo foto vjen në vijim të lajmeve se aktori ka nisur fazën e re të trajtimit jashtë vendit.
Burime nga emisioni “Prive by Liberta Spahiu” konfirmuan javë më parë se aktori do të vazhdonte trajtimet në Turqi, me fokus në këmbën e lënduar seriozisht gjatë aksidentit të komunikacionit.
Aktori, i cili për rreth gjashtë muaj ka qenë në regjim shtrati dhe trajtime mjekësore pas aksidentit të rëndë të ndodhur në prill, tregoi para pak kohe shenja të mëdha përmirësimi duke u ngritur në këmbë pas 159 ditësh.
Rikthimi i tij i plotë në skenë, veçanërisht në serialin e popullarizuar me rolin e Gjylës, pritet me padurim nga publiku shqiptar. /Prive By Liberta Spahiu
