Gazetari Elton Tozaj ka ‘thyer heshtjen’ me anë të një reagimi në InstaStory, pas dy ditësh spekulimesh intensive në media se ai ishte thirrur në gjykatë nga një çift i njohur i showbizit.
Ky lajm qarkulloi pasi Tozaj, në një status të mëparshëm, aludoi për divorcin e një dysheje të famshme, duke iu referuar gjerësisht Klea Hutës dhe kantautorit Elgit Doda, për të cilët prej disa javësh po qarkullojnë zëra për një ndarje të mundshme.
Ky zinxhir ngjarjesh u intensifikua pasi vetë Tozaj, në një intervistë, kishte deklaruar se shkak për ndarjen, sipas informacionit të tij, ishte bërë një romancë e re që Doda kishte nisur me një vajzë nga Lushnja.
Ky informacion solli lajmin se çifti e kishte paditur gazetarin.
Përballë vëmendjes së madhe mediatike, Elton Tozaj ka reaguar përmes një postimi në InstaStory, duke hedhur poshtë kategorikisht pretendimet për ndonjë padi apo thirrje në gjykatë.
Në postimin e tij të shkurtër, gazetari sqaron:
“Qarkullon nje lajm qe medemek më kanë hedhur në gjygj një çift që se dimë a janë a s’janë çift! Jo vetëm që s’është e vërtetë por ajo çfarë kam thënë në storyn tim është: Fjalët për ju si shpikim ne por janë miqtë dhe kolegët tuaj që i japin si info! Kaq e thjeshtë!”
Me këtë reagim, Tozaj jo vetëm që mohon faktin e gjyqit të supozuar, por edhe shfrytëzoi momentin për të sqaruar burimin e thashethemeve.
Ai thekson se informacioni rreth jetës private të personazheve publike nuk është shpikje e mediave, por vjen nga vetë rrethi i ngushtë, pra “miqtë dhe kolegët” e tyre. /Prive By Liberta Spahiu
