Prej disa ditësh, emrat e aktores së njohur turke Cemre Baysel dhe reperit Blok3 (Hakan Aydın) janë në qendër të vëmendjes së mediave dhe rrjeteve sociale. Shkak për këtë u bënë disa pamje të publikuara nga ndeshja Galatasaray – Liverpool, ku të dy postuan foto nga stadiumi, në kënde që ngjanin mjaft të ngjashme.
Kaq mjaftoi që rrjetet sociale të shpërthenin në spekulime se mes tyre mund të kishte nisur një romancë të re. Lajmet u shpërndanë me shpejtësi, duke u komentuar gjerësisht nga fansat dhe portalet, të cilët nisën të flisnin për një çift të ri në showbiz.
View this post on Instagram
Megjithatë, mediat turke i kanë hedhur poshtë këto pretendime. Sipas Cumhuriyet dhe gazetarit të njohur Birsen Altuntaş, mes Cemre Baysel dhe Blok3 nuk ekziston asnjë lidhje dashurie. Burime pranë tyre kanë theksuar se pamjet nga stadiumi ishin rastësi dhe nuk përbëjnë asnjë provë që dyshja po jeton një histori romantike.
Edhe Yeniçağ Gazetesi shkruan se lajmet e fundit nuk pasqyrojnë realitetin, ndërsa fansat duhet të mos e marrin si të mirëqenë çdo gjë që qarkullon në rrjet.
Në anën tjetër, vetë Cemre dhe Blok3 nuk kanë reaguar publikisht për këto thashetheme, duke lënë hapësirë për diskutime të mëtejshme. Por, sipas mediave të afërta me ta, e vërteta është se mes aktores së dashur për publikun dhe reperit nuk ka ndjenja romantike, por thjesht është krijuar një situatë e keqkuptuar.
Për momentin, romanca e supozuar mbetet një thashethem i pavërtetuar, por që ka tërhequr vëmendjen e madhe të fansave, duke e kthyer Cemre Baysel dhe Blok3 në një nga temat më të diskutuara në rrjetet sociale këto ditë. /Prive By Liberta Spahiu
