Këngëtarja legjendare Parashqevi Simaku, e cila prej vitesh kishte humbur nga sytë e publikut dhe së fundmi rrëfeu përjetimet e saj si e pastrehë në rrugët e Nju-Jorkut, mund të rikthehet në skenën më të madhe shqiptare të muzikës — Festivalin e RTSH-së të cilin e fitoi në vitin 1988.
Zërat për një pjesëmarrje të mundshme të Simakut në festival janë ndezur nga disa postime intriguese në rrjete sociale.
Miku i saj i ngushtë, Elton Ilirjani, që i ka qëndruar pranë në periudhën më të errët të jetës, ka hedhur benzinë mbi zjarr me disa story të ngarkuara me domethënie. Në një prej tyre, ai shkruan:
“Ju inatçinjtë mos sfidoni sepse më mobilizoni më shumë!”, ndërsa në të tjera ka hedhur pyetje që ngjallin kureshtje, si:
“E sjell Eurovision në Tiranë me zërin dhe historinë e saj?”
dhe
“E fiton Parashqevi Simaku Fest në RTSH?”, duke lënë të kuptohet se diçka e madhe mund të jetë në horizont.
Në sfondin e këtyre postimeve dëgjohet kënga “E Duam Lumturinë” – një simbol i qartë i një rikthimi të mundshëm të një ikone që shqiptarët nuk e kanë harruar kurrë.
A është kjo një fushatë parashpallëse për pjesëmarrjen e Simakut në Festivalin e Këngës? Apo thjesht një dëshirë që po merr formë? /Prive By Liberta Spahiu
