Lënia e duhanit është një nga vendimet më të vështira, por njëkohësisht më të vlefshme që mund të merrni për shëndetin tuaj. Çdo cigare që mos e pini sot është një hap i madh drejt një jete më të gjatë dhe më të shëndetshme. Ajo që pak njerëz e dinë është fakti se trupi juaj fillon të shërohet menjëherë, vetëm pak minuta pasi e fikni cigaren e fundit.
Pas 20 minutash
Rrahjet e zemrës dhe presioni i gjakut fillojnë të bien në nivele normale. Qarkullimi i gjakut përmirësohet dhe gishta, duar e këmbë ndjehen më të ngrohta. Zemra merr frymën e parë të lehtësimit.
Pas 8 orësh
Niveli i nikotinës dhe monoksidit të karbonit në gjak ulet ndjeshëm. Oksigjeni fillon të qarkullojë më lirshëm, duke furnizuar më mirë trurin dhe organet vitale. Lodhja e rëndë që shkaktonte duhani fillon të zhduket.
Pas 24 orësh
Rreziku për të pësuar atak kardiak fillon të bjerë. Gjaku pastrohet nga monoksidi i karbonit, dhe mushkëritë fillojnë procesin e pastrimit, duke larguar mukusin dhe toksinat e mbledhura prej vitesh.
Pas 48 orësh
Shija dhe nuhatja kthehen me intensitet. Ushqimi fillon të ketë aromë dhe shije më të fortë. Nikotina tashmë është eliminuar pothuajse plotësisht nga organizmi.
Pas 2 deri në 12 javë
Qarkullimi i gjakut përmirësohet dukshëm, frymëmarrja bëhet më e lehtë, energjia rritet dhe aktiviteti fizik kryhet me më pak lodhje. Mushkëritë punojnë më me efikasitet dhe trupi nis të rigjenerohet.
Pas 1 viti
Rreziku i sëmundjeve të zemrës bie në gjysmën e atij që ka një duhanpirës aktiv. Kollitja kronike dhe fishkëllimat në gjoks zvogëlohen ndjeshëm.
Pas 5 viteve
Rreziku për të pësuar goditje në tru (insult) bie në nivelin e një personi që kurrë nuk ka pirë duhan. Sistemi imunitar forcohet dhe organizmi është më i mbrojtur nga sëmundjet.
Pas 10 viteve
Shanset për të zhvilluar kancer në mushkëri ulen në gjysmën e rrezikut të dikujt që vazhdon të pijë duhan. Gjithashtu, bie rreziku për kancer në fyt, gojë, ezofag, pankreas dhe fshikëz urinare.
Pas 15 viteve
Trupi juaj ka kaluar një transformim të plotë. Rreziku i sëmundjeve të zemrës dhe mushkërive është tashmë pothuajse i njëjtë me atë të një personi që kurrë nuk ka mbajtur cigare në dorë.
Mesazhi i ekspertëve është i qartë: Nuk është kurrë vonë për ta lënë duhanin. Trupi ka një fuqi të jashtëzakonshme për t’u vetëshëruar, mjafton t’i japim një shans.
