Ylli i “High School Musical”, Ashley Tisdale, po zgjedh kujdesin ndaj vetes në mes të dramës që ka pushtuar rrjetet sociale.
Pas esesë së saj virale në revistën The Cut, ku rrëfeu arsyet e ndarjes nga grupi i saj i shoqeve (të gjitha mama), 40-vjeçarja ka ndarë me ndjekësit momente relaksi.
“Thjesht një ditë me masazh dhe trajtim fytyre,” shkroi Tisdale në Instagram, duke postuar foto nga një mjedis meditues me muzikë qetësuese dhe pemë bonsai, larg zhurmës së reagimeve negative.
Gjithçka nisi në dhjetor 2025, kur Ashley publikoi një shkrim me titull: “Ju lejohet të largoheni nga grupi juaj i mamave”.
Ajo shpjegoi se dinamika e grupit ishte kthyer në “sjellje vajzash të këqija” (mean-girl behavior) që e bënin të ndihej e lënduar dhe e lodhur emocionalisht.
Edhe pse Tisdale nuk përmendi emra konkretë, reagimet nga personazhet e tjerë të njohur nuk vonuan, duke lënë të kuptohet se kush bënte pjesë në atë grup.
Bashkëshorti i Hilary Duff, Matthew Koma, nuk i ka kursyer fjalët e rënda. Më 6 janar, ai e sulmoi hapur aktoren duke e quajtur: “Personi më i vetëfiksuar dhe më i pandjeshëm (tone-deaf) në faqe të dheut.”
Përflitet se Hilary Duff ishte një nga anëtaret e grupit të cilësuar si “toksik” nga Tisdale.
Nga ana tjetër, këngëtarja Meghan Trainor ka përdorur humorin dhe TikTok-un për t’u distancuar.
Përmes një videoje ku bën “lip-sync” një skenë nga Stranger Things, ajo shkroi:
“Unë duke u munduar t’i mbush mendjen të gjithëve se nuk jam e përfshirë në dramën e grupit të mamave. Betohem që jam e pafajshme!”
Ndonëse Meghan mohon përfshirjen, ajo mbetet një nga emrat më të lakuar në këtë përplasje që po ndan opinionin publik në Hollywood: a është Ashley Tisdale një viktimë e shoqërisë toksike, apo po e përdor këtë histori për vëmendje? /Prive By Liberta Spahiu
