Pas finales emocionuese të spektaklit “She’s on Top”, e cila u transmetua sot dhe ku ajo shkëlqeu si moderatore, Argjira Spanca ka ndarë një lajm të rëndësishëm me ndjekësit e saj në Instagram.
Në një postim, Argjira njoftoi largimin e saj nga programi “E Diell” në Top Channel, pas 7 vitesh përvojë që e formësuan profesionalisht dhe personalisht. Ajo e përshkroi fillimin e saj në televizion si një rrugëtim të papritur, të nisur nga dashuria për bukurinë dhe kreativitetin.
“Pas 7 viteve, ndjej se ka ardhur momenti për të bërë disa hapa të rinj, larg asaj që jeni mësuar të më shihni prej më shumë se një dekade”, shkruan ajo ndër të tjera.
Argjira shprehu mirënjohje të thellë për publikun që e ka ndjekur dhe dashur, për ekipin e “E Diell” që e rriti profesionalisht dhe për familjen e saj të dytë në Top Channel. Ajo përmbylli njoftimin me një premtim për rikthim në projekte të reja, duke lënë të kuptohet se një tjetër kapitull i suksesshëm është në horizont.
Ky njoftim vjen në një moment kulmor të karrierës së saj, menjëherë pas përfundimit të sezonit të “She’s on Top”, ku Argjira tregoi edhe një herë profesionalizëm dhe elegancë në moderim.
Ndjekësit e saj kanë mbushur rrjetet sociale me komente urimi dhe mbështetje për hapin e saj të ri. /Prive By Liberta Spahiu
View this post on Instagram
