Në një skenë muzikore ku surprizat nuk mungojnë, një nga duetet më të papritura të viteve të fundit po merr vazhdimësi. Art Abazi dhe Mc Kresha, të cilët në vitin 2019 lanë gjurmë me këngën “Enigmë”, janë gati të rikthehen me një tjetër projekt të përbashkët.
“Enigmë” mbeti një ndër kolonat zanore të atij viti, një baladë e mbushur me ndjenja që dëgjuesit e kthyen në himn personal.
Tani, pas gjashtë vitesh, dy artistët vendosin të ribashkojnë forcat për të sjellë diçka të re.
Lajmin e ka bërë të ditur vetë Arti përmes një postimi në rrjete sociale, duke paralajmëruar se “vazhdimi” është gati.
Pa zbuluar shumë detaje, ai vetëm ka lënë të kuptohet se kujtesa e “Enigmës” do të ringjallet sërish, por këtë herë me një histori të re.
Ndërsa fansat presin me kureshtje çdo copëz informacioni, një gjë është e sigurt: bashkimi i Art Abazit dhe Mc Kreshës pritet të sjellë një tjetër moment kulmor në muzikën shqipe.
/Prive By Liberta Spahiu
