Blogerja e njohur Sara Hoxha mbetet gjithmonë në qendër të vëmendjes për çdo lëvizje të saj, qoftë nga jeta private apo angazhimet e përditshme.
Së fundmi, përmes një postimi në “Instagram Story”, Sara ka ndarë me ndjekësit një shqetësim që lidhet me shëndetin e syve të saj, duke zbuluar se i është rikthyer dioptria.
Në foton e postuar, ku shihet duke u stërvitur, Sara sqaroi fillimisht një detaj që shpesh është komentuar nga ndjekësit: nishanin e saj karakteristik.
“Nishanin s’po e heqim njëherë për njëherë. Thank you for that se ishit shumë të qartë,” shkroi ajo me një dozë humori, duke u dhënë fund njëherë e mirë diskutimeve të ndjekësve kureshtarë.
Më pas, ajo u ndal te problemi kryesor:
“Halli i radhës është që më është kthyer numri i syve. Kam bërë lazer për të hequr numrin para 8-9 viteve ndoshta. Më kishin thënë që mund të kthehet prapë, kështu që nuk jam e surprizuar. Do vë syze. Çfarë syzesh të vë dhe ku t’i gjej?”
Kjo deklaratë tregon se, pavarësisht ndërhyrjes që ka kryer vite më parë, organizmi i saj ka pësuar ndryshime dhe tani blogerja është në kërkim të një palë syzeve që i përshtaten stilit të saj unik.
Kujtojmë se ky “shqetësim” vjen pas disa ditëve mjaft emocionuese për Sarën. Ajo sapo është kthyer nga pushimet dimërore në Alpet e mrekullueshme të Zvicrës, konkretisht në St. Moritz.
Sara ishte e shoqëruar nga miqtë e saj më të mirë dhe sigurisht, nga e vogla e saj, Poi. Ato kanë shijuar borën, peizazhet përrallore dhe nuk kanë munguar as momentet duke skijuar.
Mbetet për t’u parë se cilën kornizë syzesh do të zgjedhë Sara, por jemi të sigurt që do t’i shkojnë po aq bukur sa çdo veshje tjetër e saj!
/Prive By Liberta Spahiu
