Pas deklaratave të bëra mbrëmë brenda shtëpisë së Big Brother, të cilat përfshinin akuza të rënda nga Alba ndaj Fjolla Morinës, ka ardhur një reagim i ashpër nga vajza e saj, Lediana.
Përmes një postimi në rrjetet sociale, ajo u shpreh e tronditur nga fjalët e drejtuara ndaj nënës së saj prej një banoreje tjetër, emrin e së cilës refuzoi ta përmendte.
Lediana theksoi se situata e krijuar gjatë ditës së sotme ka dalë jashtë kontrollit dhe se ndjehet e turpëruar nga niveli i akuzave. Ajo mbrojti nënën e saj, duke u shprehur se Fjolla i ka menaxhuar mirë ofendimet, por harrohet se jashtë shtëpisë janë fëmijët e saj që lendohen emocionalisht nga shpifjet dhe sulmet e tilla.
“Thjesht nuk kam fjalë më. Jam e shokuar prej fjalëve të një banoreje… Edhe marre prej asaj ‘X’ personi për ato fjalë që sot janë thënë,” shkroi ajo, duke e mbyllur mesazhin me një deklaratë të prerë se respekti i saj shkon për publikun, por kurrë për “personat e lig”.
Ndryshe, ky tension duket se ka qenë vendimtar për ecurinë e këngëtares në format. Pas situatës së rënduar dhe presioneve brenda shtëpisë, Fjolla Morina ka vendosur ta lërë përfundimisht garën, duke hequr dorë nga mundësia për të fituar çmimin e madh. /Prive By Liberta Spahiu
