Suksesi i padiskutueshëm i hitit “Do Pi” ka marrë tashmë një vazhdim të shumëpritur.
Artistët Luiz Ejlli, Lumi B, Naldi dhe Bruno Revolt, janë bashkuar sërish, kësaj radhe për të sjellë projektin e tyre më të ri titulluar “Do Pi 2”.
Ky rikthim vjen si një përgjigje ndaj kërkesës së madhe të publikut, pas arritjes mbresëlënëse të këngës së parë. Brenda vetëm një viti, “Do Pi” arriti të grumbullojë mbi 38 milionë klikime në platformën YouTube, duke u shndërruar në një nga këngët më të dëgjuara të vitit që lamë pas.
Kënga mban vulën e SBS Entertainment, të cilët janë kujdesur për produksionin muzikor. Ashtu si herën e kaluar, kënga është shoqëruar me një videoklip dinamik që i përshtatet energjisë së katërshes dhe pritet të ndjekë rrugën e suksesit të paraardhëses së saj.
Dëgjojeni të plotë më poshtë! /Prive By Liberta Spahiu
