Influencerja e njohur Doresa ka ndarë me ndjekësit e saj lajmin e bukur të lindjes së fëmijës së saj të katërt gjatë javës që lamë pas.
Ajo solli në jetë një djalë, të cilin çifti ka vendosur ta pagëzojë me emrin Leonis. Përmes postimeve në rrjetet sociale, ajo u shpreh tejet e lumtur dhe falënderuese për këtë bekim të ri në familjen e tyre.
View this post on Instagram
Përveç gëzimit të foshnjës, vëmendjen e ndjekësve e ka marrë një video emocionuese ku bashkëshorti i saj, Berati, e surprizon atë në dhomën e spitalit.
Në pamjet e publikuara, Doresa shihet e rrethuar me lule dhe tollumbace, ndërsa merr një dhuratë speciale si shenjë mirënjohjeje për sjelljen në jetë të djalit të tyre.
Surpriza ishte një kuti e gjelbër ikonike, brenda së cilës fshihej një orë e llojit Rolex. Influencerja mbeti e shtangur nga gjesti, duke shkruar se ishte “pa fjalë” dhe se nuk e priste një dhuratë të tillë në atë moment. /Prive By Liberta Spahiu
View this post on Instagram
