Mbrëmë, dy nga emrat më të dashur të muzikës shqiptare, Aida Doci dhe Bardhi, publikuan duetin e tyre të ri me titull “I pa shpirt” – një baladë e ndjerë që ka prekur publikun që në orët e para të publikimit.
Në më pak se 24 orë, kënga ka arritur mbi gjysmë milioni shikime në YouTube, duke u bërë një ndër projektet më të komentuara të momentit. Me muzikë nga Sardi dhe tekst nga Deyzoh e vetë Bardhi, “I pa shpirt” shpalos një histori dashurie të thyer, e sjellë me emocionin e fuqishëm të të dy artistëve.
Videoklipi, nën regjinë e Visarthedirector dhe produksionin e AINA Entertainment në bashkëpunim me AXEG Music, është vlerësuar për estetikën e errët dhe ndjenjën e thellë që përcjell në çdo skenë.
Publiku duket se e ka përqafuar menjëherë këtë bashkëpunim, duke e cilësuar si një nga baladat më të bukura të këtij sezoni.
/Prive By Liberta Spahiu
