Skena e hip-hop-it shqiptar është sërish në zjarr, këtë herë me një përplasje virtuale mes dy prej emrave më të mëdhenj të momentit: Noizy dhe Don Xhoni.
Edhe pse asnjëri nuk e përmend tjetrin drejtpërdrejt, postimet e tyre në rrjete sociale janë interpretuar gjerësisht si thumbime të ndërsjella.
Gjithçka nisi me një Instastory të Don Xhonit, ku ai postoi një foto me veturë luksoze dhe mbishkrimin:
“Allo 2shi, 1shi ktu 😉” – një fjali që përflitet gjerësisht si provokim ironik ndaj vetëshpalljes së Noizy-t si “i pari” në lojën e repit.
Pak orë më pas erdhi edhe reagimi i Noizy-t, përmes një postimi të fuqishëm në Instagram, ku shihet pranë një Lamborghini me tufa parash mbi kapak dhe përshkrimin:
“1’shi 2’shi 3’shi pastaj vazhdojne të tjerët.”
Një përgjigje që duket si deklaratë force, me qëllim për të rivendosur veten si figura që vjen “para të gjithëve”. Për shumë ndjekës, ky është një thumb i pastër dhe i drejtpërdrejtë ndaj postimit të Don Xhonit.
Edhe pse asgjë nuk është thënë me emra, gjuha vizuale, renditja e fjalëve dhe koha e postimeve janë të mjaftueshme për të ndezur teoritë për një rivalitet të ftohtë, që tani po merr formën e një loje nervash në publik. /Prive By Liberta Spahiu
