Sherri i bujshëm mes Fifit dhe Eglit po merr përmasa të reja ditë pas dite.
Vetëm një ditë pasi Prive By Liberta Spahiu raportoi ekskluzivisht se këngët e tyre të përbashkëta “Shuj Shuj” dhe “Ku je nis” janë zhdukur nga YouTube dhe Instagram, një tjetër lëvizje e papritur ka bërë që drama të ndizet edhe më shumë.
Fifi, sipas vëzhgimeve të fansave në platformën Spotify, ka hequr emrin e Eglit nga kreditimet si bashkëpunëtor në këngët që i kishin sjellë sukses të dyve.
Ky veprim vjen në mes të raportimeve për një përplasje mes tyre për ndarjen e të ardhurave nga projektet muzikore, ku thuhet se këngëtarja ka kërkuar një përqindje më të madhe, për shkak të angazhimit të saj në realizimin e videove.
Heqja e emrit nga metadata e Spotify nuk është një veprim i zakonshëm dhe tregon qartë se mosmarrëveshja ka kaluar në një nivel shumë personal. Nuk bëhet më fjalë për një zënkë të vogël apo një keqkuptim të përkohshëm por për një krisje të thellë që mund të ketë mbyllur njëherë e mirë bashkëpunimin mes dyshes.
Deri tani, as Fifi dhe as Egli nuk kanë dalë me ndonjë deklaratë zyrtare për të sqaruar publikun për çfarë po ndodh saktësisht.
Detajet e ngjarjes në videon e mëposhtme. /Prive By Liberta Spahiu
