Të dielën, përmes rubrikës ‘E vërtetë, e pavërtetë’, Prive njoftoi për herë të parë për problemet që Marina Vjollca ka pasur me Top Channel, fare pak muaj pasi u rikthye me programin ‘Për shqiptarët’.
Burimet tona precizuan se pas hatërmbetjeve ajo gjeti sërish një gjuhë të përbashkët me Topin mirëpo jo për programin ‘Për shqiptarët’.
Nga 21 Shkurti në orën 21:00 nis sezoni i dytë, por me një ndryshim të madh.
Portali Vox News, i afërt me familjen mediatike Top Media raporton se në krah të Elvis Naçit nuk do të jetë më Marina Vjollca, por moderatorja e njohur Bora Zemani.
Duket se me të mbaruar ‘Piramida’, Bora menjëherë do caktohet në këtë program të ri.
Ky është projekti i tretë i Zemanit brenda një viti kalendarik pas ‘Cherry on Top’ dhe quiz-shout ‘Piramida.
Mbetet të shihet nëse do përkthehet në audiencë prania e Borës në ‘Për shqiptarët’ që duhet thënë se përkundër investimit në studio, historive të forta dhe bamirësisë së shqiptarëve, pati një sezon relativisht të zbehtë në termat e vëmendjes dhe shikueshmërisë, sidomos asaj online. /Prive
