Një konflikt i papritur mes dy yjeve të mëdha të muzikës, Nicki Minaj dhe SZA, ka shpërthyer në platformën X (ish-Twitter), duke kaluar nga thumbime të fshehta në ofendime të drejtpërdrejta.
Gjithçka nisi më 15 korrik, kur SZA, e cila ndodhet në turne në Evropë me Kendrick Lamar, postoi një status:
“Retrogradi i Merkurit… mos e hani karremin lol, patë qesharake.”
Ndonëse nuk përmendi askënd, fansat menjëherë spekuluan se postimi ishte drejtuar ndaj Nicki Minaj, e cila vetëm pak minuta më herët kishte sulmuar ashpër presidentin e TDE, Punch.
Minaj e quajti atë:
“Zyrtari me penisin e vogël” dhe “Minus 30 milionëshin.”
Duke e interpretuar statusin e SZA si thumb ndaj saj, Nicki reagoi furishëm:
“Shko vizato sërish nishanet në fytyrë, bukuroshe. #DrejtësiPërDemoree… Po tingëllon si një qen i ngordhur.”
SZA nuk heshti:
“Nuk më intereson fare ajo çfarë po thua. Asgjë nga ato gjërat e çuditshme që po plasni nuk më prek.”
Pavarësisht paralajmërimeve nga fansat e Nickit (Barbz), SZA u tregua e vendosur dhe rikujtoi arritjet e saj:
“Kam pasur sukses vetë. Turneu SOS arriti 95.5 milionë dollarë, dhe po i mbush sallat çdo natë me Kendrick.” “Natën e mirë të gjithëve! Shihemi nesër në Paris për natën 2!!”
Nicki nuk u ndal me kaq. Edhe pse shkroi se ishte në një takim, ajo vazhdoi me postime të tjera:
“Hesht, e shëmtuar. #DrejtësiPërDemoree. Jam në takim, s’e di a po vazhdon me budallallëqe apo jo, nëse jo, e fshij më vonë. Kurvë.” Tani do të sillesh sikur je ndonjë kartë tarot, kurvë ndalu. Ishte argëtim. Fund.”
Përplasja mes tyre vazhdoi edhe më tej. Të dyja artistet shfaqën anën e tyre të ashpër në një përplasje publike që po ndjeket në kohë reale nga miliona fansa. Ende nuk dihet nëse kjo do të përfundojë si një “grindje online” e zakonshme… apo do marrë përmasa më serioze.
