Reperi i njohur shqiptar, Gold AG, në bashkëpunim me Djemt e Beqës – bijtë e një dëshmori – kanë publikuar projektin më të ri muzikor me titull “Po t’pret sharkia”.
Kënga vjen si një përzierje e ndjenjës patriotike, kujtimit dhe shpirtit kombëtar, duke i dhënë zë dashurisë për vendin përmes tingujve tradicionalë dhe vargjeve të fuqishme. Teksti është shkruar nga vetë Arian Agushi (Gold AG), ndërsa muzika dhe orkestrimi janë realizuar nga Arian Agushi dhe Fatos Canolli. Për miksimin është përkujdesur Alban Furtuna, ndërsa videoklipi mban vulën e MProduction.
Pjesëmarrja e Djemve të Beqës, të cilët janë bijtë e një dëshmori, i jep edhe më shumë peshë emocionale projektit, duke sjellë në skenë një zë që vjen nga një familje që ka dhënë shumë për lirinë.
“Po t’pret sharkia” nuk është vetëm një këngë – është një thirrje nga zemra, një kujtesë për sakrificën dhe një himn për atdheun. /Prive By Liberta Spahiu
