Duket se Rihanna e ka mendjen te fëmijët përsëri. Këngëtarja e hitit “Diamonds”, e cila ka tre djem me partnerin e saj A$AP Rocky: RZA (3 vjeç), Riot (2 vjeç) dhe Rocki (3 muajsh) – së fundmi ka lënë të kuptohet se dëshiron ta zgjerojë sërish familjen e saj.
Gjithçka nisi nga një video në Instagram, ku shkruhej: “Duke vendosur nëse duhet të bëhem seksi apo të mbetem shtatzënë në vitin 2026”. Rihanna nuk ka ngurruar të komentojë poshtë kësaj videoje, duke shkruar: “Prit! Pra, nuk qenkam e çmendur? Dakord!”, duke shkaktuar reagime të shumta te fansat që e interpretuan si një paralajmërim për një shtatzëni të mundshme.
Ky koment vjen pas disa viteve ku artistja 37-vjeçare është fokusuar tërësisht në ndërtimin e familjes me reperin A$AP Rocky. R
ihanna ka treguar më parë se periudha e pandemisë e përshpejtoi lidhjen e tyre, duke i bërë të kuptojnë se ishin gati për t’u bërë prindër. “Ishte gjëja më e mirë që na ka ndodhur ndonjëherë,” ishte shprehur ajo në një intervistë për Interview Magazine.
E pyetur se sa fëmijë planifikon të ketë në të ardhmen, ylli i muzikës u shpreh se nuk ka një numër të caktuar. “Aq sa Zoti dëshiron që unë të kem,” tha ajo, duke treguar se është e hapur për të mirëpritur anëtarë të rinj në familjen e tyre që aktualisht numëron pesë persona. /Prive By Liberta Spahiu
