Jeta ka një mënyrë shumë interesante për të na paralajmëruar për të ardhmen, dhe rasti i Selina Bollatit duket si i dalë nga një skenar i mirëmenduar. Gjatë këtyre ditëve, një postim i vjetër i balerinës nga viti 2011 ka nisur të qarkullojë me shpejtësi në rrjet, duke ngjallur reagime te ndjekësit e Big Brother VIP Albania.
Në atë kohë, kur ishte vetëm rreth nëntë vjeç, Selina shkruante në llogarinë e saj në Facebook: “Dr Flori Ca Na Ke me tekst 2011 ju persh”. Një përshëndetje fëmijërore me një nga hitet më të mëdha të artistit të ndjerë Dr. Flori, i cili la gjurmë të pashlyeshme me grupin West Side Family.
Kush mund ta parashikonte atëherë që ky postim do të merrte një kuptim kaq domethënës plot pesëmbëdhjetë vite më vonë? Raporti dhe dinamikat e saj me Mirin, anëtarin tjetër të grupit ikonik, kanë qenë padiskutim në qendër të vëmendjes publike muajt e fundit. Rrugëtimi i tyre i përbashkët brenda shtëpisë ka qenë i mbushur me plot ulje dhe ngritje, duke kaluar nga momentet e afrimitetit e deri te debatet e forta.
Por, ajo që e bën këtë histori edhe më interesante është fakti se të dy ata ia kanë dalë mbanë me sukses: Selina dhe Miri janë zyrtarisht finalistë të këtij edicioni.
Tashmë të dy ndodhen në një garë të hapur e të ashpër për çmimin e madh, i cili do të ndahet ekzaktësisht dje një javë, në natën e madhe finale.
Është e çuditshme të mendosh se si ajo vajza e vogël që shpërndante këngët e grupit para një dekade e gjysmë, sot e gjen veten në betejën e fundit televizive ballë për ballë me njërin prej djemve të atij grupi. Vërtet që jeta është e paparashikueshme. /Prive By Liberta Spahiu
