Modelja e mirënjohur Heidi Lushtaku ka gati intervistën e saj të radhës.
Në kuadër të ciklit të podcastit ‘Biseda’, këtë herë, e ftuar e saj do të jetë ish-Presidentja e Kosovës, zonja Atifete Jahjaga.
Biseda duket se do e sjell Jahjagën, gruan e parë në krye të shtetit në një dimension në të cilin e shohim rrallë herë.
Në promon e ndarë nga Heidi, Jahjaga dëgjohet teksa i tregon asaj rrëfimet drithëruese të viktimave të dhunës seksuale gjatë luftës në Kosovë, teksa të dyja vizitojnë muzeun ‘Çast’ për herë të parë.
Pjesa e dytë e intervistës duket se do të rezervojë të pathëna mbi kohën e saj si Presidente e vendit.
‘Kam pasur kërcënime’, dëgjohet duke thënë ish-Presidentja Jahjaga.
Podcasti transmetohet të premten në ora 19:00 në kanalin e “Biseda Podcast” në Youtube.
Ndryshe, ‘Biseda’ ka arritur të ketë shumë interesim. Vetëm një intervistë, ajo me Besim Dinën numëron afro gjysmë milioni shikime në Youtube.
Nëse nuk e keni parë ende, mund ta ndiqni të plotë në vijim.
