Romeo Veshaj ka treguar për herë të parë arsyen e ndarjes së tij me Heidi Bacin.
Në një intervistë për “X Radio”, aktori ka rrëfyer prapaskenat e ndarjes nga bukuroshja me të cilën nisi një romancë brenda shtëpisë së Big Brother VIP Albania 3.
Dyshja, e cila ishte ndër më të komentuarat e atij edicioni, arriti të shkonte krah për krah deri në finalen e madhe.
Megjithatë, jashtë nuk shkoi ashtu siç pritej. Pa kaluar shumë kohë, dyshja ndanë rrugët me njëri-tjetrin.
Romeo sqaroi se, pas daljes nga shtëpia, ata qëndruan së bashku për tre muaj, kohë gjatë së cilës kuptuan se rrugët e tyre nuk mund të bashkoheshin.
“Lidhja ime me Heidin përfundoi me respekt. U njohëm brenda, qëndruam tre muaj jashtë dhe nuk funksionoi,” u shpreh ai, duke lënë të kuptohet se ndryshimet në karaktere u bënë pengesë për vazhdimësinë.
Aktori mbylli çdo hapësirë për aludime, duke treguar se arsyeja kryesore lidhej me vizionet e tyre për të ardhmen. “Kishim mendime të ndryshme për jetën. E respektoj,” përfundoi Romeo, duke konfirmuar se pavarësisht ndarjes, vlerësimi për rrugëtimin e tyre të përbashkët mbetet i lartë. /Prive By Liberta Spahiu
