Yjet u mblodhën në numër të madh të dielën për “Vogue World: Hollywood”, një mbrëmje që bashkoi kinemanë, modën dhe bamirësinë — dhe që u mbyll me performanca spektakolare nga Doja Cat dhe Gracie Abrams.
Disa prej të famshmëve që shkëlqyen me veshjet e tyre glamuroze në Paramount Studios në Los Angeles ishin: Dakota Johnson, Miley Cyrus, Machine Gun Kelly, Hailey Bieber, Kendall Jenner, Gwyneth Paltrow, Nicole Kidman, Demi Lovato, Viola Davis, Taraji P. Henson, Cynthia Erivo, Camila Cabello, Jennifer Hudson, Winnie Harlow, Tyler Perry, Lizzo dhe madje edhe guvernatori i Kalifornisë, Gavin Newsom, së bashku me shumë të tjerë.
Kendall Jenner
Hailey Bieber and Miley Cyrus
Në mesin e tyre nuk mungoi as ylli ynë shqiptarë Rita Ora, e cila mori pjesë në event së bashku me bashkëshortin e saj, regjisorin e njohur Taika Waititi, duke tërhequr vëmendjen me paraqitjen e tyre plot stil dhe elegancë.
Edhe Anna Wintour, drejtoresha globale e “Vogue”, ishte e pranishme, ashtu si edhe regjisori i filmit “Elvis”, Baz Luhrmann, i cili hapi eventin duke udhëhequr Nicole Kidman në interpretimin e saj të versionit të aktores Rita Hayworth me këngën “Put the Blame on Mame” nga filmi klasik i vitit 1946, Gilda.
Në mbrëmje u nderuan edhe personazhe të tjerë ikonë të kinemasë, përfshirë rolin e Diane Keaton si Annie Hall në filmin legjendar me të njëjtin emër të Woody Allen. (Keaton ndërroi jetë më herët këtë muaj nga pneumonia në shtëpinë e saj në Los Angeles).
Në qendër të festës qëndronte një dialog domethënës për historinë e gjatë të Hollywood-it me dizajnin e kostumeve dhe lidhjen e tij me modën bashkëkohore.
Dizenjatorët më të mëdhenj të kostumeve bashkëpunuan me shtëpitë e njohura të modës për të krijuar veshje të reja, të frymëzuara nga filmat e përjetshëm.
Por kjo nuk ishte e gjitha — të gjitha të ardhurat nga biletat e shitura iu dhuruan Entertainment Community Fund, për të ndihmuar kostumografët profesionistë që u prekën nga zjarret e fundit në Los Angeles.
Në fund, mbrëmja u mbyll me energji të lartë falë performancave të fuqishme të Doja Cat dhe Gracie Abrams.
/Prive By Liberta Spahiu
View this post on Instagram
