Shtëpia e Big Brother VIP Albania është veshur me të bardha sonte për dasmën e shumëpritur të Brikenës dhe Mateos, dhe produksioni u sigurua që atmosfera të ishte në nivelin e duhur. Për të ndezur festën, i ftuar special ishte këngëtari i njohur, Gena, i preferuari i Brikenës i cili jo vetëm që ngriti të gjithë banorët në këmbë me hitet e tij, por zbuloi edhe një detaj interesant që pak kush e priste në atë moment.
Gjatë performancës së tij të drejtpërdrejtë, këngëtari ka marrë vëmendjen e të gjithëve duke u ndalur për një sekondë dhe duke iu drejtuar nuses së mbrëmjes. Gena ndau me publikun dhe banorët një koinçidencë mjaft të lezetshme, duke theksuar se ai dhe Brikena në fakt ndajnë të njëjtin emër. Për ata që e njohin vetëm me emrin e artit, emri i vërtetë dhe i plotë i këngëtarit korçar është pikërisht Briken Lito.
Ky detaj solli të qeshura tek banorët, duke i shtuar edhe më shumë lezetin mbrëmjes. Ndërkohë, dasma brenda shtëpisë po vazhdon me një atmosferë të zjarrtë, nën ritmet e pandalura të muzikës dhe me energjinë që Gena po dhuron për çiftin dhe pjesën tjetër të konkurrentëve. /Prive By Liberta Spahiu
