Big Brother VIP Kosova 4 ka konfirmuar edhe një herë dominimin absolut në hapësirën mediatike shqiptare.
Moderatori i programit, Alaudin Hamiti, ka publikuar statistikat zyrtare për ditën e 32-të të spektaklit duke zbuluar shifra marramendëse që dëshmojnë interesin e jashtëzakonshëm të publikut.
Sipas të dhënave të publikuara në profilin e tij zyrtar në Instagram, vetëm brenda 24 orëve të fundit, formati ka gjeneruar një total prej 107.7 milionë+ shikimesh në të gjitha platformat sociale.
Shifrat e detajuara sipas platformave:
Dominimi është i shtrirë në çdo rrjet social, ku bie në sy fuqia e Instagramit dhe Facebook-ut:
Instagram: 65 Milionë
Facebook: 21.7 Milionë
TikTok: 16 Milionë
YouTube: 5 Milionë
Çfarë e mbërtheu publikun para ekranit? Ky shpërthim i audiencës vjen si rezultat i një vargu ngjarjesh intensive që kanë trazuar shtëpinë më të famshme në Kosovë orët e fundit.
Dinamikat e formatit kanë arritur kulmin, ku vëmendjen kryesore duket se e ka marrë afrimiteti gjithnjë e më i dukshëm mes Edit dhe Bias, një raport që ka ngjallur diskutime të shumta si brenda shtëpisë, ashtu edhe në rrjet.
Krahas romancës, tensionet nuk kanë munguar. Debatet e forta dhe të ashpra mes banorëve kanë mbajtur gjallë tensionin e lojës, ndërsa një moment kyç që ka rritur kuriozitetin e shikuesve ishte shfaqja e Toneyt në kapsulë, një situatë që krijoi një dinamikë të re dhe të papritur.
Me këto shifra rekord, sezoni i katërt i Big Brother VIP Kosova po dëshmon se mbetet formati më i ndjekur, duke mbajtur pezull miliona shqiptarë që presin me padurim zhvillimet e radhës. /Prive By Liberta Spahiu
