Motra e yllit botëror Dua Lipa, Rina Lipa, është shfaqur së fundmi në një material special për Service95, platformën editoriale dhe kulturore të themeluar nga vetë Dua.
Ajo e ka nisur videon me një përshëndetje të ngrohtë duke thënë: “Përshëndetje Service95, jam Rina Lipa dhe ndodhemi këtu në Londër në premierën e filmit tim të shkurtër”.
Ky projekt i ri i titulluar “Weight of Ribbons” shënon një hap të rëndësishëm në karrierën e saj si aktore, ndërsa gjatë bisedës ajo ka zbuluar edhe detaje që e kanë frymëzuar në rrugëtimin e saj artistik.
Rina ka veçuar librin “The Secret History” nga Donna Tartt si veprën e saj të preferuar, ndërsa ka treguar se filmi që i ka ndryshuar jetën është “About Time”.
Përtej suksesit në Londër, Rina nuk ka hezituar të tregojë lidhjen e fortë që mban me origjinën e saj, duke u ndalur te traditat e kuzhinës shqiptare.
Ajo ka treguar me mjaft pasion se ushqimet tradicionale mbeten të preferuarat e saj absolute, duke e bërë të qartë se sa herë që ndodhet në Kosovë, nuk mund t’u rezistojë shijeve autentike në një nga restorantet më të njohura në Prishtinë.
Ky rrëfim në “Service95” dëshmon edhe një herë se pavarësisht angazhimeve në kinematografinë ndërkombëtare, Rina Lipa mbetet e lidhur ngushtë me rrënjët e saj dhe nuk heziton ta promovojë kulturën shqiptare në çdo hap. /Prive By Liberta Spahiu
View this post on Instagram
