Pas 1,336 ditësh pritje, Harry Styles konfirmon rikthimin me album të ri
Pas një heshtjeje të gjatë që zgjati më shumë se tre vite, Harry Styles ka gëzuar fansat anë mbanë botës duke konfirmuar rikthimin e tij në muzikë. Prej muajit dhjetor, ylli i popit kishte nisur të jepte shenja përmes mesazheve kriptike dhe faqeve misterioze të internetit me fjalinë: “Ne i përkasim njëri-tjetrit” (We belong together).
“Kiss All The Time. Disco, Occasionally.”
Albumi i tij i katërt titullohet “Kiss All The Time. Disco, Occasionally” dhe pritet të publikohet më 6 mars. Ky projekt vjen pas suksesit botëror të albumit “Harry’s House” (2022), i cili u shit në miliona kopje dhe u vlerësua me çmime prestigjioze si Grammy dhe Brit Awards. Artisti zbuloi kopertinën e albumit në rrjetet sociale, ku shfaqet në një fushë të hapur nën një sferë diskoje, duke mbajtur veshur syze noti.
Detajet e projektit dhe surprizat për fansat
Albumi i ri përmban 12 këngë dhe është produkuar nga bashkëpunëtori i tij i hershëm, Kid Harpoon. Edhe pse ende nuk është publikuar asnjë këngë e plotë, fansat kanë pasur mundësinë të dëgjojnë vetëm një notë zëri të shkurtër të dërguar ditën e mërkurë. Porosia paraprake (pre-order) ka filluar tashmë, duke përfshirë edicione në vinal, CD, si dhe një paketë speciale që përmban një aparat fotografik me film, edicion i limituar.
View this post on Instagram
Një karrierë e jashtëzakonshme: Nga One Direction në majat e suksesit
Harry Styles u bë i njohur që në moshën 16-vjeçare si anëtar i grupit One Direction. Pas pauzës së grupit, ai ndërtoi një karrierë solo mjaft të suksesshme, duke u shndërruar në një nga figurat më të rëndësishme të muzikës moderne me hite si “Watermelon Sugar” dhe “As It Was”. Turneu i tij i fundit, “Love On Tour”, zgjati 22 muaj dhe u mbyll në korrik të vitit 2023 para 100,000 njerëzve në Itali.
Shenjat e para të rikthimit dhe thashethemet për turne
Rikthimi u paralajmërua përmes një videoje tetë-minutëshe më 27 dhjetor dhe u pasua nga billborde në qytete të mëdha si Nju Jorku, Mançesteri dhe Sao Paulo. Ndonëse nuk janë konfirmuar zyrtarisht, qarkullojnë thashetheme se Styles do të nisë një turne të ri botëror këtë verë, me qëndrime të mundshme në stadiumin Wembley të Londrës dhe Madison Square Garden në Nju Jork. /Prive By Liberta Spahiu
View this post on Instagram
