Dinamikat brenda shtëpisë së Big Brother VIP Kosova ndryshojnë me shpejtësi dhe vëmendja e publikut së fundmi është zhvendosur te afrimiteti mes këngëtarit Kushtrim Kelani dhe Aurorës.
Por, çfarë mendon për këtë Sasa, e cila gjatë qëndrimit të saj brenda shtëpisë u pa shumë e afërt me këngëtarin? Në një sesion pyetjesh në Instagram, ish-banorja është pyetur direkt nga ndjekësit kuriozë mbi mendimin e saj për këtë dyshe të re.
Larg çdo parashikimi për drama apo xhelozi tipike, Sasa ka zgjedhur të reagojë me sportivitet dhe mbështetje publike. Ajo ka ripostuar një moment të dyshes duke shkruar: “Po shkojnë bashkë! Simpatika”, duke lënë të kuptohet se nuk ka asnjë hatërmbetje për afrimitetin e krijuar në lojë pas daljes së saj.
Kjo deklaratë vjen vetëm pak kohë pasi u raportua se Sasa, edhe pse jashtë shtëpisë, ka vazhduar të tregojë kujdes për artistin.
Në një prime të para disa javëve, ajo u angazhua personalisht për t’ia përzgjedhur atij kostumin e rrobave për natën e Prime, duke dëshmuar se përtej lojës, ajo ruan një raport tejet korrekt dhe dashamirës ndaj tij. /Prive By Liberta Spahiu
