Pas përfundimit të rrugëtimit të tij në Big Brother VIP Kosova, Klodi ka nisur të shijojë jetën jashtë shtëpisë.
Përmes një videoje të fundit, i pyetur nga ndjekësit se kur do të niset drejt Italisë, ai ka surprizuar me përgjigjen e tij, duke lënë të kuptohet se vendlindja po e josh gjithnjë e më shumë.
Planet për të qëndruar në Kosovë
Klodi u shpreh se aktualisht nuk ka asnjë dëshirë për t’u larguar. “Seriozisht, s’po du me u kthy në Itali fare. Po du me qëndru këtu me njerëzit, po më pëlqen shumë dhe po kam dëshirë me ndejt sa më gjatë,” tha ai, duke vlerësuar mikpritjen dhe dashurinë që ka marrë nga publiku pas daljes nga formati.
Reagimi i Alices pas sjelljeve në shtëpi
Përtej planeve profesionale dhe vendndodhjes, vëmendje ka marrë edhe jeta e tij private. Gjatë mbrëmjes së “Post Big Brother”, Klodi u tregua mjaft i sinqertë sa i përket marrëdhënies me partneren e tij, Alice. Ai konfirmoi se ajo nuk i ka pritur aq mirë disa nga sjelljet e tij brenda shtëpisë më të famshme në Kosovë.
“Alice ishte pak e bezdisur nga sjelljet e mia brenda,” pranoi Klodi, duke lënë të kuptohet se dinamikat e lojës dhe afërsia me banorët e tjerë kanë shkaktuar pakënaqësi të vogla te partnerja e tij, e cila e ka ndjekur rrugëtimin e tij nga jashtë.
/Prive By Liberta Spahiu
