E njohur për natyrën e saj pa doreza, Serena Sulo është rikthyer në qendër të vëmendjes me projektin e saj më të ri muzikor.
Këngëtarja ka lansuar këngën me titull ‘Diss One’, një projekt që ka ngritur pluhur për shkak të tekstit të drejtpërdrejtë dhe sulmeve ndaj emrit të njohur të industrisë.
Projekti vjen i shoqëruar me një videoklip, ku Serena shfaqet mjaft provokuese, por ajo që ka habitur më shumë publikun është fundi i këngës.
Pa lënë vend për dyshime, artistja ka deklaruar hapur se ky “diss” i dedikohet këngëtares Enca Haxhia dhe motrës së saj.
Nuk është hera e parë që Serena Sulo përfshihet në debate me kolegët e saj, por ‘Diss One’ duket se është një sulm i menduar mirë për të goditur direkt Encën. Në mbyllje të këngës, ajo e konfirmon emrin e personit të cilit i drejtohet, duke mos kursyer as kunjat për motrën e këngëtares, çka ka bërë që fansat të shpërthejnë në komente.
Enca deri më tani nuk ka reaguar, por mbetet për t’u parë nëse do të ketë një reagim nga ana e saj apo e motrës, apo nëse ato do të zgjedhin ta injorojnë këtë “provokim” të hapur që Serena ka hedhur në tregun muzikor. /Prive By Liberta Spahiu
