Opinionistja e Big Brother Fan Club dhe ish-finalistja e Big Brother VIP Kosova 2, Shqipe Hysenaj, duket se nuk po rri dot larg vëmendjes dhe adrenalinës që vetëm një reality show si Big Brother mund të ofrojë.
Në një InstaStory, ku Shqipja pyeste fansat lidhur me ngjarjet që po zhvilloheshin Post Big Brother,një nga komentuesit i kishte shkruar: “Ti je nona e Bigut!”. Shqipja nuk e la pa përgjigje dhe u shpreh se mund të jetë pjesë e edicionit të ardhshëm të Big Brother-it, pasi, siç tha edhe Ledioni, Big Brother VIP 5 do të vijë së shpejti.
Shqipja e hodhi edhe një tjetër “bombë” duke përmendur se mund të jetë pjesë e sezonit të ri të Dancing With the Stars!
Një gjë është e sigurt ku është Shqipja, aty ka zhurmë, show dhe spektakël siç vetëm ajo di ta bëjë! Dhe nëse rikthehet, me siguri do të jetë një ndër personazhet më të komentuar, ashtu si në sezonin e suksesshëm të BB VIP Kosova 2. Prive by Liberta Spahiu
