Shtëpia e famshme buzë detit në Malibu, e cila shërbeu si rezidenca kryesore në serialin e njohur të Disney Channel, “Hannah Montana”, është vënë në shitje për një çmim marramendës: 20,950,000 dollarë.
Kjo rezidencë luksoze është bërë ikonë për miliona fansa të serialit që u transmetua nga viti 2006 deri në 2011, duke sjellë në qendër të vëmendjes jetën e dyfishtë të Miley Stewart (interpretuar nga Miley Cyrus), një vajzë adoleshente që gjatë ditës ishte nxënëse e zakonshme, ndërsa natën transformohej në një yll pop-i.
Shtëpia ndodhet në një nga zonat më të kërkuara të Malibu Beach dhe ofron një pamje spektakolare të oqeanit.
Ajo ka një sipërfaqe prej 5,600 metra katrorë dhe përfshin 7 dhoma gjumi dhe 8 banjo, duke kombinuar luksin, hapësirën dhe një stil të veçantë arkitekturor.
Përveç famës që ka marrë përmes televizionit, prona është edhe një shtëpi e mirëfilltë banimi, me ambiente të mëdha të brendshme dhe të jashtme, ideale për ata që kërkojnë privatësi, komoditet dhe një jetë buzë oqeanit.
Aktualisht e listuar në tregun imobiliar amerikan, kjo shtëpi është një mundësi unike – jo vetëm për koleksionistët dhe fansat e “Hannah Montana”, por edhe për ata që duan të jetojnë në një pjesë të historisë së televizionit modern. /Prive By Liberta Spahiu
View this post on Instagram
