Si të rrisni flokët gjatë, të shëndetshëm dhe plot shkëlqim?
Qoftë kur duam të harrojmë një prerje të keqe, apo thjesht të arrijmë atë “vibin” e vajzës me flokë të gjatë, flokët e bukur dhe të gjatë janë gjithmonë të arritshëm. Edhe pse gjenetika mund të kufizojë vajzat me flokë të hollë e të brishtë, disa gjëra janë në dorën tonë—dhe fillojnë pikërisht nga kujdesi për lëkurën e kokës.
1. Masazhoni skalpin shpesh.
Masazhi i kokës stimulon qarkullimin e gjakut, duke transportuar oksigjen dhe lëndë ushqyese te folikulat. Kjo i “zgjon” ato dhe nxit rritjen e flokëve. Studimet tregojnë se masazhi i shpeshtë mund të ndikojë edhe në trashësinë e flokëve. Për një efekt më të fuqishëm, mund të përdorni mjete të posaçme që kombinojnë masazh, nxehtësi terapeutike dhe dritë të kuqe.
2. Vajra para larjes.
Para se të lani flokët, aplikoni një vaj stimulues në skalp—si vaj rozmarine ose vaj kastori. Masazhojeni mirë dhe lëreni të veprojë për të paktën 20 minuta (mund ta mbani edhe gjatë natës). Pastaj shpëlajeni me shampo. Ky ritual forcon folikulat dhe parandalon rënien e flokëve.
3. Ushqejeni trupin nga brenda.
Rritja e flokëve nuk varet vetëm nga produktet kozmetike. Trupi ka nevojë për vitamina dhe minerale si zinku, hekuri, bakri, magnezi dhe vitamina A, C, K. Ato reduktojnë inflamacionin, forcojnë kolagjenin dhe krijojnë kushte për flokë të shëndetshëm e me shkëlqim. Suplementet e formuluara posaçërisht për flokët mund të jenë ndihmë e madhe.
4. Konsumoni 2 arra braziliane në ditë.
Këto arra janë shumë të pasura me selen, i cili mbron qelizat dhe folikulat nga dëmtimet. Kujdes: mos konsumoni më shumë se 2 në ditë, pasi teprica e selenit lidhet me rënien e flokëve.
5. Menaxhoni stresin.
Stresi i lartë nxit rënien e flokëve dhe ngadalëson rritjen, sepse hormoni i kortizolit ndikon drejtpërdrejt mbi folikula. Pushoni mjaftueshëm, praktikoni meditimin ose aktivitete relaksuese dhe ndihmoni trupin të rikthejë balancën nervore.
6. Çaji i barit “bisht kali” (horsetail).
Kjo bimë mban emrin me arsye – është e pasur me silicë dhe antioksidantë, të cilët nxisin prodhimin e kolagjenit dhe reduktojnë inflamacionin. Një filxhan çaj horsetail në rutinën tuaj të përditshme është një aleat i mirë për flokët.
Rritja e flokëve është një proces që kërkon durim, kujdes dhe vazhdimësi. Nga masazhi i kokës, tek suplementet dhe ushqimi i duhur, çdo hap i vogël sjell ndryshime të mëdha. Bëjeni këtë pjesë të rutinës suaj të mirëqenies dhe lini flokët të rriten natyrshëm, të fortë dhe plot jetë.
