Einxhel Shkira ka ndarë sot me ndjekësit e saj një kujtim shumë të veçantë në InstaStory. Moderatorja ka postuar një foto të vjetër, realizuar ditën kur do të hynte në shtëpinë e “Big Brother VIP Albania 1” – një eksperiencë që sot mbush plot katër vite.
Në mbishkrimin e fotos, Einxhel ka reflektuar mbi ndryshimet që i kanë ndodhur gjatë këtyre viteve, duke shkruar:
“Ndërkohë si sot 4 vjet më parë. Shumë gjëra kanë ndryshuar që atëherë. Mund të më mungojë pamja e saj, trupi, flokët, fytyra… por jo jeta e saj. Ah, sikur ta dinte atë ditë si do të ishte jeta e saj pas katër vitesh, do kishte barrën më të lehtë në shpirt dhe do flinte më e qetë… Nuk e kuptoja sa bosh dhe e trishtuar isha, derisa përjetova lumturinë hyjnore dhe plotësimin shpirtëror!! Faleminderit Zot për bekimet e tua.”
Ky postim emocionues ka prekur shumë ndjekës, të cilët e kanë parë si një reflektim të sinqertë mbi rrugëtimin, rritjen dhe ndryshimet që Einxhel ka përjetuar që nga koha e “BBVIPA 1”, e deri te jeta e saj e sotme si nënë dhe partnere.
Kujtojmë se gjatë qëndrimit të saj në shtëpi, ajo u njoh me DJ Dagz, me të cilin sot ndan një histori të bukur dashurie dhe janë prindër të dy fëmijëve. /Prive By Liberta Spahiu
