Vesa Vllasaliu është rikthyer në vëmendjen e ndjekësve përmes një bashkëbisedimi virtual në Instagram, ku ka dhënë sinjale të reja publike rreth romancës së saj shumë të përfolur. 
Ish-banorja e Big Brother VIP Kosova ka shkaktuar të qeshura kur është pyetur se përse kohët e fundit po poston vetëm foto të vjetra dhe jo imazhe aktuale. Përgjigja e saj lidhej direkt me “burrin”, term me të cilin ajo i referohet sulmuesit të njohur të Kombëtares, Mirlind Dakut.
> “S’po m’len burri me postu të reja se po m’kap kishe msyshi”, – ka shkruar Vesa, duke nënkuptuar me shaka se partneri i saj është paksa “xheloz” ose supersticioz për sytë e botës.
Por, konfirmimi më i fortë se bëhet fjalë pikërisht për futbollistin Mirlind Daku, erdhi në pyetjen pasuese. Kur u pyet për mbështetjen e partnerit ndaj jetës së saj publike, Vesa dha detajin që të gjithë e prisnin:
> “Një burrë që se suporton gruan e vet, për mu s’o burrë. Po n’kët rast burri jem nuk um thotë (të lë punën), edhe s’ka me ma thon kurrë, se vet o fytyrë publike edhe um përkrah në çdo hap që e bëj”, – u shpreh ajo.
Kjo deklaratë përputhet plotësisht me faktin se Daku është një figurë e njohur e sportit, duke i dhënë fund çdo dileme mbi identitetin e personit që i ka vjedhur zemrën.
Në këtë “Ask”, Vesa zbuloi gjithashtu planet për karrierë. Ajo bëri të ditur se nuk do ta shohim në televizion të paktën deri në vitin 2026, pasi po shijon kohën private, udhëtimet dhe qetësinë larg kamerave. /Prive By Liberta Spahiu
