Pas publikimit të videos virale që në qendër ishin Jozi dhe Stresi, rrjetet sociale u ndezën me reagime, dhe komente të shumta.
Në mesin e kësaj zhurme, Gjesti mori një vendim të papritur: e hoqi Stresin nga lista e ndjekësve në Instagram.
Ky veprim u komentua gjerësisht, sidomos sepse Stresi ka qenë një nga përkrahësit më të fortë të Gjestit gjatë kohës së qëndrimit të tij në BBVIP, duke e mbështetur publikisht në intervista dhe rrjete sociale.
Por nuk u desh shumë kohë që të vinte reagimi i vetë Stresit. Ai vendosi të kthejë të njëjtën “monedhë”, duke e hequr edhe ai Gjestin nga lista e ndjekësve të tij në Instagram.
Për momentin, asnjëri prej tyre nuk ka reaguar me ndonjë deklaratë të drejtpërdrejtë, por veprimet në rrjet flasin më shumë se fjalët.
A është ky fundi i një miqësie që nisi si aleancë televizive? Apo thjesht një moment tensioni pas situatave që po qarkullojnë në media?
Si mendoni ju? /Prive By Liberta Spahiu
