Festivali më i madh muzikor në rajon, Sunny Hill, zbulon sonte në orën 20:00 listën e plotë të artistëve që do të performojnë këtë verë në Prishtinë!
Deri tani janë konfirmuar dy emra gjigantë: Dua Lipa, që do të hapë festivalin më 1 gusht, dhe Peggy Gou, që do ta përmbyllë natën finale me energji elektrizuese më 3 gusht.
Por kush tjetër do të ngjitet në skenë? A do të kemi emra të tjerë të mëdhenj? Fitues të Grammy-ve? Yje të listave Billboard?
Të gjitha përgjigjet sonte! Bëhuni gati për emra që do të lënë gjurmë – sepse Sunny Hill 2025, që mbahet më 1-3 gusht në Parkun Sunny Hill – Bërnicë, pritet të jetë më i fuqishëm se kurrë!
